വികസനങ്ങൾ എണ്ണിപ്പറഞ്ഞും ബാൻഡ് മുട്ടിന് താളം പിടിച്ചും പ്രചരണം കൊഴുപ്പിച്ച് ഉണ്ണിത്താൻ

പഴയങ്ങാടി:തിരഞ്ഞെടുപ്പ് പ്രചരണം അനുദിനം ചൂടുപിടിക്കുമ്പോൾ താൻ നടപ്പാക്കിയ വികസന നേട്ടങ്ങൾ എണ്ണിപ്പറഞ്ഞും പ്രവർത്തകർക്കൊപ്പം ബാൻ്റ് മുട്ടിന് താളം പിടിച്ചും പ്രചരണ രംഗം കൊഴുപ്പിക്കുകയാണ് കാസർഗോഡ് പാർലമെൻ്റ് മണ്ഡലത്തിലെ യു.ഡി.എഫ് സ്ഥാനാർത്ഥി രാജ്മോഹൻ ഉണ്ണിത്താൻ. കല്യാശ്ശേരി നിയോജക മണ്ഡലത്തിലെ പഴയങ്ങാടിയിൽ നിന്നും ആരംഭിച്ച ഇന്നലത്തെ പര്യടനം വിവിധ കേന്ദ്രങ്ങളിലെ സ്വീകരണത്തിന് ശേഷം ഏഴോത്ത് സമാപിച്ചു. ചെറുകുന്ന് കൊവ്വപ്പുറം, കണ്ണപുരം ചൈനാക്ലെ, കെ. കണ്ണപുരം, കല്യാശ്ശേരി, പറപ്പൂർ, കുഞ്ഞിമതിലകം, ഏഴോം മൂന്നാം പിടിക, കണ്ണോം, കൊട്ടില, എറന്തല, ഓണപ്പറമ്പ, മെഡിക്കൽ കോളേജ്, ചെങ്ങളം, പാണപ്പുഴ, ചന്തപ്പുര, കോക്കാട് എന്നിവിടങ്ങളിൽ പര്യടനം നടത്തിയ യാത്രയിൽ വിവിധ കേന്ദ്രങ്ങളിൽ നൗഷാദ് വാഴവളപ്പിൽ, സുധീഷ് കടന്നപ്പള്ളി, അക്ഷെെ പറപ്പൂർ, സന്ദീപ് പാണപ്പുഴ, അൻവർ ശക്കീർ, എം.കെ രാജൻ, ശശി നരിക്കോട്, മുസ്തഫ കൊട്ടില, രാഹുൽ പൂങ്കാവ് സംസാരിച്ചു.