ചട്ടഞ്ചാൽ:രാജ്യത്തെ വെട്ടിമുറിക്കുന്ന സി.എ. എ. നടപ്പിലാക്കുന്നത് ബി.ജെ.പിയുടെ അവസാനത്തെ അടവാണെന്നും വരുന്ന തിരഞ്ഞെടുപ്പിലൂടെ ജനങ്ങൾ ബിജെപിക്കെതിരെ വിധി എഴുതണമെന്നും കാസർകോട് ജില്ലാ യു.ഡി.എഫ് ചെയർമാൻ കല്ലട്ര മാഹിൻ ഹാജി. പറഞ്ഞു
സി.എ.എ നടപ്പിലാക്കുന്നതിനെതിരെ സംസ്ഥാന വ്യാപകമായിയു.ഡി.എഫ് നടത്തുന്ന പ്രതിഷേധത്തിന്റെ ഭാഗമായി ഉദുമ നിയോജക മണ്ഡലം യു.ഡി.എഫ് കമ്മിറ്റി ചട്ടഞ്ചാലിൽ പ്രതിഷേധ പ്രകടനവും സംഗമവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഉദുമ നിയോജക മണ്ഡലം ചെയർമാൻ സി.രാജൻ പെരിയ അദ്ധ്യക്ഷത വഹിച്ചു. ജനൽ കൺവീനർ കെ.ബി. മുഹമ്മദ് കുഞ്ഞി സ്വാഗതം പറഞ്ഞു.
സി.സി.സി ജനറൽ സെക്രട്ടറി എം.കുഞ്ഞമ്പു നമ്പ്യാർ, തെരഞ്ഞെടുപ്പ് കമ്മിറ്റി ചെയർമാൻ കല്ലട്ര അബ്ദുൽ ഖാദർ, കെ.വി. ഭക്തവത്സലൻ, ഹമീദ് മാങ്ങാട്, അബ്ദുല്ല കുഞ്ഞി കീഴൂർ, മുഹമ്മദ് കുഞ്ഞി പെരുമ്പള, ടി.ഡി. കബീർ, എൻ. ബാലചന്ദ്രൻ, പ്രമോദ് പെരിയ, ഖാലിദ് ബെള്ളിപ്പാടി, ഷരീഫ് കൊടവഞ്ചി, കലാഭവൻ രാജു, പ്രസംഗിച്ചു. കൃഷ്ണൻ ചട്ടഞ്ചാൽ, ദിവാകരൻ കരിച്ചേരി, മൻസൂർ കുരിക്കൾ, ഷംസുദ്ദീൻ തെക്കിൽ, റൗഫ് ബാവിക്കര, ഖാദർ ആലൂർ, ബി.കെ.ഹംസ, ബിസ്മില്ല മുഹമ്മദ് കുഞ്ഞി, അബ്ബാസ് ബന്താട്, കെ.മുഹമ്മദ് കുഞ്ഞി പ്രകടനത്തിന് നേതൃത്വം നൽകി.
സി.എ.എ നടപ്പിലാക്കുന്നത് ബി.ജെ.പിയുടെ അവസാനത്തെ അടവ്;തെരഞ്ഞെടുപ്പിൽ ജനങ്ങൾ ബിജെപിക്കെതിരെ വിധിയെഴുതണം:കല്ലട്ര മാഹിൻ ഹാജി
