ദുബായ്:നജീബ് മരവയലിനെ ചീഫ് കോർഡിനേറ്ററായി ഉൾപ്പെടുത്തി കൊണ്ട് ജിംഖാന മേൽപ്പറമ്പ് യൂ എ ഇ ചാപ്റ്റർ കമ്മിറ്റി വിപുലീകരിച്ചു. യു എ ഇ ചാപ്റ്ററിന്റെ ഭാരവാഹി യോഗത്തിലാണ് നജീബിനെ ചീഫ് കോർഡിനേറ്ററായി തെരെഞ്ഞെടുത്തു കൊണ്ടുള്ള തീരുമാനം ഉണ്ടായത്.
1987 ൽ രൂപീകൃതമായ ജിംഖാന മേൽപ്പറമ്പിന്റെ ആദ്യ കാല പ്രസിഡന്റായിരുന്നു നജീബ് മരവയൽ. യു എ ഇ ചാപ്റ്ററിന്റെ കീഴിൽ വരാൻ പോകുന്ന ജിംഖാനാസ് നാലപ്പാട് ട്രോഫിയുടെ ഒമ്പതാം സീസണടക്കമുള്ള പരിപാടികൾക്ക് നജീബിന്റെ സാന്നിധ്യം ഉപകാരപ്പെടുമെന്ന് ജിംഖാന മേൽപ്പറമ്പ് യു എ ഇ ചാപ്റ്റർ പ്രസിഡന്റ്‌ ഹനീഫ മരവയൽ പ്രസ്താവനയിൽ പറഞ്ഞു.
