കാസർകോട്:നാടെങ്ങും അന്ത്യപ്രവാചകൻ മുഹമ്മദ് നബിയുടെ ജന്മദിനം ഇസ്ലാം മത വിശ്വാസികൾ ആഘോഷിച്ചു.
കാസർകോട് മേൽപറമ്പ് വിപുലമായ പരിപാടികളോടെ നബിദിനാഘോഷം നടത്തി. മേൽപറമ്പ് മുഹ്യദിൻ ജുമാ മസ്ജിദ് ഖത്തീബ് അഷ്റഫ് റഹ്‌മാനി ചൗക്കി നബിദിന റാലിക്ക് നേത്രത്തം നൽകി,മേൽപറമ്പ് ജമാഅത്ത് കമ്മിറ്റി പ്രസിഡണ്ട് കല്ലട്ര മാഹിൻ ഹാജി,റഊഫ് കെജിഎൻ,എസ്കെ മുഹമ്മദ് കുഞ്ഞി,പട്ടാൺ അബ്ദു റഹിമാൻ,അബ്ബാസ് വളപ്പിൽ,ഇബ്രാഹിം തുരുത്തി,അബ്ദുല്ല ബ്രദേർസ്,ഇബ്രാഹിം അൽമദീന തുടങ്ങിയവർ നേത്രത്തം നൽകി കുട്ടികളും മുതിർന്നവരും റാലികളിൽ പങ്കെടുത്തു.
പല ഇടങ്ങളിലും മദ്രസ വിദ്യാർഥികളുടെയും പ്രാദേശിക കമ്മിറ്റികളുടെയും നേതൃത്വത്തിൽ നബിദിന റാലികളും ഘോഷയാത്രകളും നടന്നു. മുഹമ്മദ് നബിയുടെ 1499 ആം ജന്മദിനമാണ് ലോകമാകെയുള്ള ഇസ്ലാം മത വിശ്വാസികൾ ആഘോഷിച്ചത് മദ്രസകൾ കേന്ദ്രീകരിച്ച് കലാപരിപാടികളും ഭക്ഷണ വിതരണവും നടന്നു.
വർണക്കൊടികളും ദഫ് മുട്ടടക്കമുള്ള വിവിധ പരിപാടികളോടെയാണ് നബിദിന പുലരിയിൽ നാടെങ്ങും വർണാഭമായ ഘോഷയാത്ര നടന്നത്. പ്രവാചക പ്രകീർത്തനങ്ങൾ ചൊല്ലി മുന്നോട്ട് നീങ്ങിയ നബിദിന റാലികളിൽ മധുരം വിതരണം ചെയ്തും സന്തോഷം കൈമാറിയും ഏവരും അണിനിരന്നു. കേരളത്തിൽ ഓണാവധിക്കിടെ എത്തിയ നബി ദിനത്തിന് ഇക്കുറി ആഘോഷപ്പകിട്ട് ഏറിയെന്ന് പറയാം.
